సులభో భక్తి యుక్తానాం దుర్దర్శో దుష్ట చేతసాం
అనన్య గతికానాం చ ప్రభుర్భకైక వత్సలః
శనైశ్చర స్తత్ర నృసింహ దేవ స్తుతిం చకారామల చిత్తవృత్తిః
ప్రణమ్య సాష్టాంగమ శేషలోక కిరీట నీరాజిత పాదపద్మం
శ్రీ శనిరువాచ
యత్పాద పంకజరజః పరమాదరేణ
సంసేవితం సకల కల్మష రాశినాశం
కల్యాణ కారకం ఆశేష నిజానుగానాం
స త్వం నృసింహ మయి దేహి కృపావలోకం
సర్వత్ర చంచలతయా స్థితయా హి లక్ష్మ్యా
బ్రహ్మాది వంద్యపదయా స్థిరయాన్య సేవి
పాదారవింద యుగళం పరమాదరేణ
స త్వం నృసింహ మయి దేహి కృపావలోకం
యద్రూపం ఆగమ శిరః ప్రతిపాద్య మాద్యం
ఆధ్యాత్మికాది పరితాపహరం విచింత్యం
యోగీశ్వరైర పగతాఖిల దోషం సంఘైః
స త్వం నృసింహ మయి దేహి కృపావలోకం
ప్రహ్లాద భక్త వచసా హరిరావిరాస
స్తంభే హిరణ్యకశిపుం య ఉదార భావః
ఊర్వో నిధాయ ఉదరం నఖరైర్దదార
స త్వం నృసింహ మయి దేహి కృపావలోకం
యో నైజ భక్తం అనలాంబుధి భూధరోగ్ర
శృంగప్రపాత విషదంతి సరీసృపేభ్యః
సర్వాత్మకః పరమకారుణికో రరక్ష
స త్వం నృసింహ మయి దేహి కృపావలోకం
యన్నిర్వికార పరరూప విచింతనేన
యోగీశ్వరా విషయవీత సమస్తరాగాః
విశ్రాంతి మాపుర వినాశవతీం పరాఖ్యాం
స త్వం నృసింహ మయిదేహి కృపావలోకం
యద్రూప ముగ్ర పరిమర్దన భావశాలి
సంచింతనేన సకలాఘ వినాశకారి
భూత జ్వరగ్రహ సముద్భవ భీతినాశం
స త్వం నృసింహ మయి దేహి కృపావలోకం
యస్యోత్తమం యశ ఉమాపతి పద్మజన్మ
శక్రాది దైవతసభాసు సమస్త గీతం
శక్త్యైవ సర్వశమల ప్రశమైక దక్షం
సత్వం నృసింహ మయి దేహి కృపావలోకం
ఇత్థం శృత్వా స్తుతిం దేవః శనినా కల్పితాం హరిః
ఉవాచ బ్రహ్య వృందస్థం శనిం తం భక్తవత్సలః
శ్రీ నృసింహ ఉవాచ
ప్రసన్నోహం శనే తుభ్యం వరం వరయ శోభనం
యం వాంఛసి తమేవ త్వం సర్వలోకహితావహం
శ్రీ శనిరువాచ
నృసింహ త్వం మయి కృపాం కురు దేవ దయానిధే
మద్వాసర స్తవప్రీతికరః స్యాద్ధేవతాపతే
మత్కృతం త్వత్పరం స్తోత్రం శృణ్వంతి చ పఠంతి చ
సర్వాన్ కామాన్ పూరయేథాః తేషాం త్వం లోక భావనః
శ్రీ నృసింహ ఉవాచ
తథైవాస్తు శనే హం వై రక్షో భువన సంస్థితః
భక్తకామాన్ పూరయిష్యే త్వం మమైకం వచఃశృణు
త్వత్ కృతం మత్పరం స్తోత్రం యః పఠేచ్ఛృణుయాచ్చ యః
ద్వాదశాష్టమ జన్మస్థాత్ త్వద్భయం మాస్తు తస్యవై
శనిర్నరహరిం దేవతం తథేతి ప్రత్యువాచ హ
తతః పరమ సంతుష్టాః జయేతి మునయో వదన్
శ్రీ కృష్ణ ఉవాచ
ఇదం శనైశ్చరస్యాథ నృసింహదేవ
సంవాదమేతత్ స్తవనం చ మానవః
శృణోతి యః శ్రావయతే చ భక్త్వా
సర్వాణ్యభీష్టాని చ విందతే ధ్రువం
మీ🌹
వేద, శాస్త్ర,స్మార్త,పురోహిత పరిషత్తు
శాంతి నగర్,ఖాదీ కాలనీ,తిరుపతి
No comments:
Post a Comment