శ్యామల నవరాత్రులు

*శ్యామలా నవరాత్రులు*

(2023 జనవరి 22 ఆదివారం నుండి జనవరి 30 సోమవారం వరకు)

 *జ్ఞాన సింధు* 

బ్రహ్మశ్రీ పరమాత్ముని రామచంద్రమూర్తి. 

 

   *మాఘ శుద్ధ పాడ్యమి నుండి శ్యామలా దేవి నవరాత్రులు జరుపుకోవటం ఆనవాయితీ.*

   *దశ మహావిద్యలలో మాతంగిగా అలరారుతున్న దేవత ఈ తల్లి కటాక్షంతో వాక్సుద్ధి.*

 *దశమహావిద్యలు తప్పనిసరిగా గురుముఖంగా అభ్యసించాలి. ఎవ్వరూ స్వతంత్రించి ప్రయత్నించ కూడదు.*

 శాక్తేయమత తంత్రములో, వామాచార పద్ధతిలో అర్హులైన సాధకులు గురునేపథ్యంలో ఉపాసన చేస్తారు.

దక్షిణాచార తంత్రములో కూడా తల్లి ఉపాసన కి అవశ్యం గురువు ఉండాలి.

 

*బ్రహ్మాండ పురాణంలో శ్రీమాత ఆవిర్భావము ప్రకాశిస్తుంది. ఆ జగన్మాత మేధోశక్తిగా శ్యామలా దేవి గోచరిస్తుంది. తల్లి పరివార దేవతలలో ప్రధానమంత్రిణి శ్యామలా శక్తి.  సంగీతము, నృత్యము, ప్రవచనం ఇత్యాది కళలకి ఆధిపత్య శక్తి.*

 రాజ శ్యామల, మాతంగి,

  మంత్రిణి, రాజమాతంగి ఇలా

 పలు నామధేయములతో

 మహా విద్యలలో తొమ్మిదవ శక్తి గా అలరారుతుంది.

 ఒకే దేవత ఇన్ని పేర్లతో ఉండటంలోని సంకేతార్థం ఏమిటంటే,  అనేక ప్రయోజనాలు కలిగించే వివిధ మంత్రములు భిన్న ఉపాసనా రీతులుగా గ్రహించాలి.

 అందుకే ఆ తల్లి రూపములో ఆకుపచ్చని వర్ణముతో , కొన్ని మార్పులు ఎర్రటి వర్ణముతో, శ్యామలా దేవి అనేక విధములుగా రూపములుగా గోచరిస్తుంది.

 *బృహత్ తంత్రసార* గ్రంథములో, ఉచ్చిష్ట మాతంగిణి గురించి వివరణ కలదు...  

 శాక్తేయ తంత్రం సాధనలో త్రైలోక్య వశీకరణ శక్తిగా స్థితమైన దేవత మహారాజ్ఞి అనుగ్రహం పొందాలంటే మంత్రి అయిన శ్యామల దేవి అనుమతి, కటాక్షములు ఉండాలి.

 *'పరమాత్ముని పలుకులే'* వేదమంత్రములు.  ఆ మంత్రార్ధములను క్రియాశీలంగా వినియోగించుకొని జీవులు ఉత్తీర్ణత పొందుటకు గురువు అవసరం.

  

సంప్రదాయం తెలిసిన గురువులు, సాధకుని జాతకము పరిశీలించి, వక్రీకరణలు లేని ఆధ్యాత్మిక సంక్షేమాన్ని కలిగించే పద్ధతిని అనుగ్రహిస్తారు.  ఇష్టదేవతా అనుగ్రహానికి  సదాచార మార్గం శ్రేష్ఠం...  జ్ఞానానికి, మోక్షప్రాప్తికి అర్హత, ప్రాతిపదిక ఇదే. 

 *అష్టాదశ శక్తి పీఠములలో  'యోని' ముద్ర కామాఖ్య దేవి.*

  

 కామాఖ్య టెంపుల్ కాంప్లెక్స్ లో శ్యామల దేవాలయము కలదు. దక్షిణభారతంలో మధుర మీనాక్షి, రాజమాతంగి రూపిణిగా సంప్రదాయులు ప్రకటిస్తారు. 

    

 శ్యామల నవరాత్రులలో

1) *లఘు శ్యామల*

2) *వాగ్వాదినీ*

3) *నాకులేశ్వరి*

4) *కళ్యాణ శ్యామల*

5) *జగద్రంజని మాతంగి* 

6) *వశ్యమాతంగి*

7) *సారిక*

8) *సుఖ శ్యామల*

9) *రాజ్య శ్యామల*

  

 ఇలా తొమ్మిది రూపాల్లో నవరాత్రులు అర్చన కొనసాగుతోంది

  

 *ఇచ్ఛా, జ్ఞాన, క్రియా శక్తులలో - ప్రధానమైన జ్ఞానస్వరూపమే శ్యామలా దేవి తాంత్రిక విధానాలలోని సరస్వతిగా గ్రహించాలి.*

 *సర్వులూ నిత్యం గృహంలో ఆరాధించే  ఇష్ట దేవత యందు ఆ తల్లిని భావన చేసి తమ నిత్యపూజ  నియమానుసారం కొనసాగించి ఆశీస్సులు అందుకోగలరు.*

 *సర్వే జనాః సుఖినోభవంతు* 🙏

వేద,శాస్త్ర,స్మార్త,పురోహిత పరిషత్

శాంతి నగర్,ఖాధికాలని,తిరుపతి