శ్యామలా దండకమ్
ధ్యానమ్-
మాణిక్యవీణాముపలాలయంతీం మదాలసాం మంజులవాగ్విలాసామ్ |
మాహేంద్రనీలద్యుతికోమలాంగీం మాతంగకన్యాం మనసా స్మరామి ౧
చతుర్భుజే చంద్రకలావతంసే కుచోన్నతే కుంకుమరాగశోణే |
పుండ్రేక్షు పాశాంకుశ పుష్పబాణహస్తే నమస్తే జగదేకమాతః ౨
వినియోగః-
మాతా మరకతశ్యామా మాతంగీ మధుశాలినీ |
కుర్యాత్కటాక్షం కళ్యాణీ కదంబవనవాసినీ ౩
స్తుతి-
జయ మాతంగతనయే జయ నీలోత్పలద్యుతే |
జయ సంగీతరసికే జయ లీలాశుకప్రియే ౪
దండకమ్-
జయ జనని సుధాసముద్రాంతరుద్యన్మణిద్వీప సంరూఢ బిల్వాటవీమధ్య కల్పద్రుమాకల్ప కాదంబ కాంతారవాసప్రియే, కృత్తివాసప్రియే! (హృద్యన్మణి - పాఠాంతరం)
సాదరారబ్ధ సంగీత సంభావనా సంభ్రమాలోల నీపస్రగాబద్ధచూలీ సనాథత్రికే, సానుమత్పుత్రికే!
శేఖరీభూతశీతాంశురేఖామయూఖావలీనద్ధసుస్నిగ్ధనీలాలకశ్రేణిశృంగారితే, లోకసంభావితే!
కామలీలా ధనుస్సన్నిభ భ్రూలతా పుష్పసందేహ కృచ్చారు గోరోచనా పంక కేళీ లలామాభిరామే సురామే రమే,
ప్రోల్లసద్వాలికా మౌక్తిక శ్రేణికా చంద్రికామండలోద్భాసి గండస్థలన్యస్త కస్తూరికాపత్రరేఖా సముద్భూత సౌరభ్య సంభ్రాంతభృంగాంగనా గీతసాంద్రీభవన్మంద్ర తంత్రీస్వరే, సుస్వరే, భాస్వరే,
వల్లకీవాదన ప్రక్రియాలోల తాలీదలాబద్ధ తాటంకభూషా విశేషాన్వితే సిద్ధసమ్మానితే,
దివ్యహాలా మదోద్వేల హేలాలసచ్చక్షురాందోలన శ్రీసమాక్షిప్త కర్ణైక నీలోత్పలే,
పూరితాశేష లోకాభి వాంఛా ఫలే! శ్రీఫలే!
స్వేదబిందూల్లసత్ ఫాల లావణ్య నిష్యంద సందోహ సందేహ కృన్నాసికా మౌక్తికే! సర్వమంత్రాత్మికే! కాళికే!
కుంద మందస్మితోదార వక్త్ర స్ఫురత్పూగ కర్పూరతాంబూల ఖండోత్కరే! జ్ఞానముద్రాకరే!
కుందపుష్పద్యుతిస్నిగ్ధ దంతావలీ నిర్మలాలోల కల్లోల సమ్మేలన స్మేరశోణాధరే! చారువీణాధరే! పక్వబింబాధరే!
సులలిత నవయౌవనారంభ చంద్రోదయోద్వేల లావణ్య దుగ్ధార్ణ వావిర్భవత్కంబు బింబోక హృత్కంథరే! మంథరే!
బంధురచ్ఛన్న వీరాది భూషాసముద్యోత మానానవద్యాంగ శోభే! శుభే!
రత్నకేయూర రశ్మిచ్ఛటా పల్లవ ప్రోల్లసద్దోర్లతా రాజితే! యోగిభిః పూజితే!
విశ్వదిఙ్మండలవ్యాప్త మాణిక్యతేజస్స్ఫురత్కంకణాలంకృతే! సాధుభిస్సత్కృతే!
వాసరారంభవేలా సముజ్జృంభ
మాణారవింద ప్రతిచ్ఛన్న పాణిద్వయే సంతతోద్యద్ద్వయే!
దివ్యరత్నోర్మికా దీధితిస్తోమ సంధ్యాయమానాంగులీ పల్లవోద్యన్నఖేందు ప్రభామండలే! ప్రోల్లసత్కుండలే!
తారకారాజినీకాశహారావలిస్మేర చారుస్తనాభోగభారానమన్మధ్య వల్లీ వలిచ్ఛేద వీచీ సముల్లాస సందర్శితాకార సౌందర్యరత్నాకరే! వల్లకీ భృత్కరే! శ్రీకరే!
హేమకుంభోపమోత్తుంగ వక్షోజభారావనమ్రే! త్రిలోకావనమ్రే!
లసద్వృత్తగంభీర నాభీ సరిత్తీర శైవాల శంకాకర శ్యామ రోమావలీ భూషణే! మంజుసంభాషణే!
చారుశింజత్కటీసూత్ర నిర్భత్సితానంగ లీలాధనుశ్శింజినీ డంబరే! దివ్యరత్నాంబరే!
పద్మరాగోల్లసన్మేఖలా భాస్వరశ్రోణి శోభాజిత స్వర్ణభూభృత్తలే! చంద్రికాశీతలే!
వికసిత నవ కింశుకా తామ్రదివ్యాంశుక చ్ఛన్న చారూరుశోభా పరాభూత సిందూర శోణాయమానేంద్ర మాతంగ హస్తార్గలే! శ్యామలే!
కోమలస్నిగ్ధ నీలోత్పలాపాదితానంగ తూణీర శంకాకరోద్దామ జంఘాలతే! చారులీలాగతే!
నమ్ర దిక్పాలసీమంతినీ కుంతల స్నిగ్ధ నీలప్రభా పుంజసంజాత దుర్వాంకురాశంక సారంగ సంయోగ రింఖన్నఖేందూజ్జ్వలే! ప్రోజ్జ్వలే!
దేవ! దేవేశ దైత్యేశ యక్షేశ భూతేశ వాగీశ కోణేశ వాయ్వగ్ని కోటీర మాణిక్య సంఘ్రుష్ట కోటీర బాలాతపోద్దామ లాక్షారసారుణ్య లక్ష్మీగృహితాంఘ్రిపద్మద్వయే! అద్వయే!
సురుచిర నవరత్న పీఠస్థితే! సుస్థితే!
శంఖపద్మద్వయోపాశ్రితే!
దేవి! దుర్గా వటు క్షేత్రపాలైర్యుతే, మత్తమాతంగకన్యా సమూహాన్వితే! భైరవైరష్టభిర్వేష్టితే!
దేవి! వామాదిభిస్సంశ్రితే, లక్ష్మ్యాదిశక్త్యష్టకా సేవితే! భైరవీసంవృతే!
పంచబాణేన రత్యా చ సంభావితే, ప్రీతిశక్త్యా వసంతేన చానందితే, భక్తిభాజాం పరం శ్రేయసే, కల్పసే!
ఛందసా మోజసే భ్రాజసే,
యోగినాం మానసే ధ్యాయసే,
గీతవిద్యానుయోగా వితృప్తేన కృష్ణేన సంపూజ్యసే,
విశ్వహృద్యేన గద్యేన పద్మేన విద్యాధరైర్గీయసే,
యక్షగంధర్వసిద్ధాంగనా మండలైర్మండితే,
సర్వసౌభాగ్యవాంఛావతీభిర్ వధూభిస్సురాణాం సమారాధ్యసే,
సర్వవిద్యావిశేషాన్వితం చాటు గాథా సముచ్ఛారణం, కంఠములోల్ల సద్వర్ణరేఖాన్వితం కోమలం,
శ్యామలోదారపక్షద్వయం, తుండశోభాతిదూరీ భవత్ కింశుకాభం శుకం లాలయంతీ పరిక్రీడసే,
పాణిపద్మద్వయే నాపరేణాక్షమాలా గుణం స్ఫాటికం జ్ఞానసారాత్మకం పుస్తకం బిభ్రతీ యేన సంచింత్యసే, తస్య వక్త్రాంతరాత్ గద్యపద్యాత్మికా భారతీ నిస్సరేత్,
యేన వా త్వం సనాథాకృతిర్భావ్యసే, సోపి లక్ష్మీసహస్రైః పరిక్రీడతే,
కిం న సిద్ధ్యేద్వపు శ్యామలం కోమలం చారు చంద్రావచూడాన్వితం ధ్యాయతే
తస్య లీలాసరో వారిధిః తస్య కేలీవనం నందనం, తస్య భద్రాసనం భూతలం, తస్య గీర్దేవతా కింకరీ, తస్య వాచాకరీ శ్రీ: స్వయం,
సర్వ యంత్రాత్మికే, సర్వ మంత్రాత్మికే, సర్వ ముద్రాత్మికే, సర్వ శక్త్యాత్మికే, సర్వ వర్ణాత్మికే, సర్వరూపే! జగన్మాతృకే!
హే జగన్మాతృకే! పాహిమాం పాహిమాం పాహిమాం పాహి పాహి!!
వేద, శాస్త్ర,స్మార్త,పురోహిత పరిషత్
శాంతి నగర్,ఖాధికాలని,తిరుపతి
No comments:
Post a Comment